小學的難忘經歷 作者: 郭

作者: 郭

小學最難忘係放學返屋企偷走出街玩。

果時阿爸阿媽都要返工，我地放學後唔比出街玩，而阿媽每日都會打一次電話返屋企， Check 我同阿哥係唔係度。 有時我會同阿哥輸流出去玩，阿媽打黎就話另一個去緊廁所。 如果咁岩我地兩個都偷走去玩，就索性拎起個電話，等阿媽返黎問就話頭先傾緊電話，所以你打唔通。 以前阿爸例牌五點半返到屋企，阿媽就買埋送，大約六點返到黎，所以出 去玩一定要五點半前返到屋企，唔係就好大獲。

果時偷出街玩，多數會去同學屋企做功課，又或者去公園玩，又試過去打機。 最犀利係有次著拖鞋坐巴士去上環信德中心，因為果時果度有間機鋪，好多新Game，對我黎講，係一個天堂。因為阿媽會比幾蚊返學買飽食，有時我無買，就儲 起D錢，所以有錢坐車同打機。 不過坐巴士去到，又差唔多要返屋企，都無打到，而且返黎果時仲要塞車，返到屋企過 左五點半，好彩阿爸未返。 諗返自己真係幾白痴。