作者: 鄭
咁多位舊朋友好！！ 可以係度睇番咁多小學回憶真係好開心。 老實講，我諗都無諗過原來大家仲有聯繫，真係感動。 希望可以有多些舊同學加入，壯大一下個聲勢！ 今次個題目係難忘回憶....其實可以好多....印象最深刻都係俾關生體罰，我就經常性俾關生體罰，原因有好多...例如忘記做功課，遲交欠交等，都係 一條死罪。
不過，話說回頭，我地呢班懶既學生都係警告過幾次，關生才作出一個體罰中最殘酷 的... 扭耳仔... 好得人驚。諗起都心有餘悸... 我隻右耳珠依家都有少少傷痕，有時候流汗多，天氣熱呀，果個位都有皮膚損痛既痛楚。 仲記得有一次，岑達光同學.... 希望佢唔好介意我?番件事出黎講 :-P 關生果一次好嬲，一隻右鐵沙掌從右下扯到左上.... 光仔個頭被打開... 應該係扯開就毫無疑問啦，佢副眼鏡被拋出至少兩米至三米距離。
其實本人覺得，關生係偏心，對男同學特別粗暴。算啦... 佢都係唔想我地太差先咁做既。 所以我都無怪佢！ 不知現今香港中小學，還有沒有師長膽敢這樣體罰學生呢？
Comments