作者: 郭
每次上堂前，總要上早會，風兩不改。 所有班級聚集在禮堂上，台上有老師帶領我們唱詩歌，然後禱告，接著是一連串的宣佈等等。 每位學生和老師，手上都有一本詩集，我那本用足六年，但詩歌唱來唱去都是那幾首，有點浪費。 不過有時遇到新歌，自然唔識唱，台上的老師就會逐段逐段教，認真浪費時間。 我好少跟住唱，通常只會口郁郁，濫竽充數。 當時有位鄭女主任，四十多歲，濃妝艷抹，唱歌唱得好有感情，十足唱歌劇。 可惜我完全唔懂得識欣賞，只係覺得好無聊，得啖笑。
禱告我想本應是神聖的，但老師們禱來禱去的告都差不多，似例行公事多。 全體同學閉目低頭，台上老師開始念：「神啊，多謝您乜乜物物。」「全能天父上帝啊，感謝你帶領我地乜乜物物。」當然，最後一定要加句「主耶穌基督姓名而 求，阿們。」有時無禱告，便會念主禱文，「我們在天上的父．．．．．．直到永遠，阿們！」帶唱詩的先生又過骨。
逢星期六的早會，是最辛苦的，有特別嘉賓來演講就更慘，因為要撟腳坐在地上，一坐就個多小時。 對腳無得伸展，血液唔流通，開始腳痺，周身唔聚財。 一起身更要命，對腳無哂感覺，唔識郁，企都企唔穩，腳震震，頭暈暈。 這些所謂早會，到底是誰攪出來的？
Comments