作者: 郭
我生活好平淡，由小學到依家廿幾歲都係。
信 愛小學，對我係一堆排名不分先後的人名：郭振雄、何暢洲、鄭柏倫、胡建南、岑達 光、周嘉文、陳家寧、周漢森、梁柱光、黃達文、陳偉思、陳鳳詩、黃惠玲、鄺佩珊、 廖彥貞、廖彥賢、鄭婉珊、陳玉珠、麥麗好、麥麗芳、王杏美、周妮惠．．．．．．仲 有，關潔華。無準備下，我暫時只記得以上幾位。
其 實讀小學果時，好多事情我都唔明。唔明點解年年考第一都係陳偉思？咁陳偉思同陳 鳳詩又有無關係？麥麗好麥麗芳兩個人個名又會咁似？點解陳家寧同王杏美生得咁高？ 鄭柏倫岑達光生得咁黑？唔明黃達文點解可以成日唔出聲？更加唔明，我唔識背書，點 解鄭婉珊一定要告發我，激死。我惟一識背係主禱文，背足六年，今時今日仲記得。
每 日苦惱同時，我又會將快樂建築係其他同學仔的痛苦上。廖彥貞廖彥賢兩姊妹有幸成 為被遭遢對象。我記得何暢洲都有份參與，我地好喜歡踢佢地，用鞋底整污遭佢地，踩 佢地書包。但我又唔明，佢地點解整極都唔嬲？喊都無？於是我地又繼續耍樂。依家諗 起當然覺得自己好仆街，好變態，不過當時又幾Enjoy。講真，我依家有點內疚。
關 潔華係以前班主任，女性，教我地中文，有時會用咪講書。佢戴眼鏡，化厚妝，我估 佢當時應該三十到尾。佢好恐怖，因為間唔中會鬧人，我試過比佢成本習作飛落地，嚇 死我；又記得，佢會搵我將練習題的答案抄係黑板比其他同學對，分明係體罰啦！但有 時又會好好，笑笑口對住你。你地話女人係幾咁難捉摸。
寫 寫下，腦海又出現幾個人名：卓漢倫、黎志明、袁力衡、黎狄慈、鍾雅芝、曾婉思、 石美思、劉永秀、林琳。卓漢倫係乜水我都唔記得，只係記得呢個人名，同埋佢係戴眼 鏡的。仲有，到今時今日，我都覺得鍾雅芝係一個臥底，因為佢老豆係隔離班班主任， 肯定係佢安排個女入讀我地果班。不過，鍾小姐又真係人見人愛，可惜我同佢無乜兩句 ，乃人生一大遺憾。
成 間學校，我最鐘意條樓梯，因為好扁，一行可行幾級，不過通常會比風紀捉。學校入 面每個角落我差不多都去過，包括教員室，因為比老師罰唔準放小息。而我只係有一個 地方未去過──女廁。早幾年經過信愛小學，見到個個班房都有冷氣機，依家小朋友讀 書真係幸福，當年我地只係吹風扇。不過咁都好，證明學校有進步。
其實，我對信愛小學印象幾蕪湖，回憶只由各人片片互動的瑣碎事組成。六年光境，都 從人名中渡過。但，即使再平淡無謂，我一樣會努力去珍惜。
Comments