最好玩的堂 作者: 郭

作者: 郭

我好唔鍾意讀書，但唔代表我唔鍾意返學，而返學亦唔代表我喜歡上堂。 上堂真係好悶，以前那些先生講書，真係佢有佢講，佢講乜我完全唔明，亦唔係好想去明。 先生講書，個個都係對住本書讀，中英社科健都係。 咁，洗鬼佢教。 不過，我大個出來社會工作之後，終於明白佢地都只不過係扼餐飯食，幾可悲。

凡事有例外。 有些課堂我也樂意接受的，例如美術及體育。 因為美術堂可以自己坐係度畫畫，唔洗聽書，唔洗釣魚；而體育堂就更加可以舒筋活骼，唔洗驚坐到生治瘡。 好可惜，這些課堂一般都較少，活活地把我的天賦埋沒，從而消失。

雖然我喜歡美術及體育，不過，我認為最好玩的，還是普通話堂。 但也很可惜，小四之後便沒有了。 印象中以前教普通話的老師，姓黃，女的，來自國內，操的普通話很標準（至少我這樣認為）。 我覺得好玩，因為我學得不錯。 有成績，自然覺得好玩。 英文我學極都唔識，所以唔好玩；中文我得半桶水，又係唔好玩。道理就是這般簡單。